Прва лига: Триумф на Вардар на дербито во Тетово

Фудбалерите на Вардар остварија важна победа во дербито на 11.коло од Првата фудбалска лига откако како гостин ја совладаа Шкендија во Тетово со 2:0. Шампионот Вардар до победата стигна благодарение на головите на Стефан Спировски во 36.минута и на Бобан Николов во 73.минута. Со овој триумф Вардар ја зголеми предноста во однос на Шкендија на пет бодови.

На другите натпревари од 11.коло Работнички како домаќин го победи Шкупи со 3:1, а со истиот резултат Македонија Ѓорче Петров славеше над Ренова. 

 

Нерешено завршија дуелите во Охрид Победа – Силекс 1:1 и во Кочани Брегалница – Пелистер 0:0.

 

Табела: Вардар 25 бодови, Шкендија 20, Работнички 19, Пелистер 16, Ренова 15, Силекс 11, Шкупи 10, Победа 10, Македонија ЃП 9, Брегалница 8.