Прва државна тужба против Кина поради пандемијата
Мисури е првата сојузна држава која поднесе тужба против Кина, обвинувајќи ја кинеската Влада за светската пандемија на коронавирусот и бара оштета „за огромните загуби на човечки животи, страдање и економска криза“ како последица на болеста.
Како што јавија американските медиуми, тужбата, поднесена од државниот обвинител на Мисури Ерик Шмит, е една од неколку слични судски процеси во американските федерални судови започнати од приватни групи.
Така на пример, во Флорида, Кина е дадена на суд поради тоа што „знаеше дека Ковид-19 е опасна болест но реагираше споро, ја ставаше главата во песок и/или ја заташкуваше за свој тесен економски интерес“.
Во Мисури досега се потврдени речиси шест илјади случаи на заразеност од коронавирус, а 215 лица починале. Поради затворената економија сојузната држава досега изгуби 44 милијарди долари. Во тужбата се наведува дека токму Кина е виновна за последиците од пандемијата.
Познавачите во САД сметаат дека е мошне тешко да се предвиди исходот од вакви судски процеси и дали тие би имале некаков ефект.
Во меѓувреме, 22 републикански конгресмени побараа од јавниот обвинител на САД, Вилијам Бар, државниот секретар Мајк Помпео и од претседателот Доналд Трамп, да покренат постапка против Кина во Меѓународниот суд на правдата во Хаг за дејствата на оваа земја за време на пандемијата.
Ново на Сител
-
Пожар зафати куќа во неготинско Долни Дисан
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари