Прв аматерски атлетски митинг во Скопје

На националната арената „Филип Втори“ во Скопје, денеска ќе се одржи првиот аматерски атлетски митинг „Скопје 2017“.

Овој атлетски митинг е наменет за сите оние кои го сакаат трчањето, рекреативно се бават со трчање и спорт, се подготвуваат за Скопскиот Маратон или пак сакаат да ги проверат своите можности и брзина во некоја од предвидените дисциплини.

На утрешниот митинг учесниците ќе можат да се натпреваруваат во дисциплините на 100 метри, 400, штафета 4 по 400, една миља (1600 метри), 5000, 10000 метри и скок во далечина. Секој заинтересиран може да се пријави за учество на митингот преку веб страницата www.prvdovrv.mk.

Атлетскиот митинг ќе трае од 14 до 18 часот и е отворен за сите заинтересирани за трчање, како и за публиката.

Првиот атлетски митинг за рекреативци е во организација на здружението за спорт и рекреација Прв до врв во соработка со Атлетската Федерација на Македонија.