Протестен собир на „За заедничка Македонија“ во Гевгелија

Подршката за унитарна Македонија и порака за отфрлање на тиранската платформа гевгеличани вечерва упатија преку мирниот протестен собир што се одржа во центарот на градот.

Од протестниот собир тие ги испратија своите пораки до политичарите во земјава да не ја прифатат тиранската платформа, да не изберат тирански претседател на Парламентот и да ја чуваат унитарноста на земјата.

Покрај ова учесниците на протестниот собир во Гевгелија рекоа категорично не на двојазичноста и застанаа цврсто против менување на националните симболи и обележја без кои, како што порачаа, ќе дојде до разнебитување на Македонија.