Протест на струмичките одгледувачи на лубеници, бараат средба со министерот за земјоделство

Одгледувачи на лубеници од струмичкиот регион денеска половина час го блокираа патот на раскрсницата што води кон подбеласичките села во знак на револт поради ниската откупна цена и слабиот пласман.

Бараат итно решение и средба со министерот за земјоделство, шумарство и водостопанство Љупчо Николовски. Најавија блокади на патот кон бугарската граница доколку во рок од 24 часа не се сретнат со министерот Николовски. 

Според нив, дневно се откупуваат само стотина тони за разлика од минатите години кога се продавале по илјада тони.