Просветни инспектори спречени да извршат надзор врз Меѓународниот универзитет во Струга

Ѓ.И.(65) и З.Р.(38), двајцата од Скопје, вработени во Државниот просветен инспекторат, вчера во Полициската станица во Струга пријавиле дека биле спречени да извршат надзор во работата на Меѓународниот универзитет во Струга.

Како што соопшти МВР, настанот бил пријавен вчера во 13 часот, а се случил истиот ден во 11 часот кога двајцата инспектори влегле во просториите на Меѓународниот универзитет врз основа на задолжение од директорот на Државен просветен инспекторат, требало да извршат вонреден инспекциски надзор. 

- При нивното влегување во просториите на Универзитетот, биле пречекани од одговорното лице А.К. кој, откако му биле покажани службените легитимации и задолжението за надзор, на инспекторите веднаш им се обратил на висок тон и со навредливи и заканувачки зборови. Истиот, го зел задолжението за вонреден надзор  кое му било покажано и на Г.Р. (вработен во универзитетот) и го фрлил и побарал од државните просветни инспектори да го напуштат универзитетот, наведуваат од МВР.

По целосното расчистување и документирање на случајот ќе следи соодветен поднесок.