Проштална средба Вељаноски - Орав

Претседателот на Собранието на Република Македонија Трајко Вељаноски на денешната проштална средба со евроамбасадорот Аиво Орав рече дека се надева на што поскоро и конечно решавање на политичката криза во земјава. Воедно истакна дека ќе стори се што е во негова надлежност за да се реализираат активностите од последниот договор меѓу политичките партии.
Амбасадорот Орав, пак, како што соопшти Кабинетот на Вељаноски, нагласи дека се надева на брза имплементација на договореното со цел Македонија да се посвети на евроатланската интеграција и поскоро да ги почне преговорите за членство во Европската унија.
- Со оглед на сите предизвици со кои се соочува Европа како што се миграциската криза и терористичките напади, за ЕУ е важно да ја има Република Македонија како стабилен партнер, истакна Орав.
Соговорниците изразија задоволство од одличната меѓусебна соработка и изразија надеж дека така ќе продолжи да се одвива, на исклучително високо ниво, со заемно разбирање и пријателство.
Вељаноски се заблагодари за постојаната поддршка која Собранието ја добива од Делегацијата на Европската унија во Република Македонија и на крајот на средбата на Орав му посака успешна работа во неговиот иден ангажман.
Ново на Сител
-

Отпушок од цигара причина за пожарот во ГОБ „8 Септември“, нема повредени
-

Потпишан петгодишен протокол за соработка со Универзитетот Тракија, обука за македонските здравствени работници во Едрене
-

Синдикалната минимална кошница за ноември 70.827 денари
-

Британската војска спроведува офанзивни кибер-операции против Русија, Кина, Иран и Северна Кореја
-

28-годишник од Чаир го запалил автомобилот на мајка си, се заканувал дека ќе го запали и станот
-

Спречен нелегален внес на 2,8 тони нејодирана сол која е забранета за увоз
-

Се сопнал од кофа и паднал во необезбедено лифтовско окно – две лица и две фирми обвинети за смртта на Кристијан Љушев во Охрид
-

Поголем К-15 за работниците годинава – минималниот износ достигна 19.415 денари, рокот истекува на 31 декември
