Пронајдено оружје и муниција во канал покрај земјен пат кај Блаце
Припадниците на МВР по преземени мерки и активности во атарот на сeло Блаце, поточно во близина на регионалниот пат кон Косово, во канал покрај земјен пат денеска пронашле и одзеле оружје и муниција.
- Од страна на Единицата за недозволена трговија при Секторот за внатрешни работи Скопје во соработка со Управата за безбедност и контраразузнавање, а во содејство со Единицата за брзо распоредување, Единицата АЛФА и Единицата за увид на местото на настанот и анализа, преземени се мерки и активности во атар на с. Блаце, поточно во близина на регионалниот пат кон Косово, при што во канал покрај земјен пат пронајдени се два рачни ракетни фрлачи М57, седум рачни бомби, пет запалки за рачни бомби, пушкомитралез од кинеско производство, пушкомитралез со пригушивач за пламен 7,62 мм од руско производство, автоматска пушка АК 7,62 мм, три празни рамки за автоматска пушка и три вреќи со вкупно 2141 куршуми калибар 7,62 мм, стои во соопштението.
На местото на настанот, од страна на Секторот за внатрешни работи Скопје бил извршен увид и пронајдените предмети се подигнати, по што со наредба од јавен обвинител од Основното јавно обвинителство Скопје ќе бидат предадени на Одделот за криминалистичко - технички иситувања и вештачења при МВР заради изготвување вештачење.
Секторот за внатрешни работи Скопје презема мерки и активности за целосно расветлување на настанот, по што во консултација со надлежното Основно јавно обвинителство Скопје ќе следуваат соодветни поднесоци.
Ново на Сител
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп
-
Штипскиот Економски факултет го одбележа денот на македонскиот денар
-
Националното биро за осигурување: Цената на авто осигурувањето е непроменета од 2008 година, реално е покачувањето
-
Се одржа Меѓународниот натпревар за сирени во Шангај | ВИДЕО