Пронајдени две неексплодирани гранати од Првата светска војна во Стар Дојран

Вчера во 11.30 часот во СВР Струмица било пријавено дека во близина на хотел во Стар Дојран, при извршување на градежни работи, биле пронајдени две стари неексплодирани експлозивни направи – гранати кои датираат од Првата светска војна, соопштуваат од МВР.

За настанот бил известен пиротехничар од Дирекцијата за заштита и спасување-Струмица, кој ги подигнал гранатите од местото за понатамошна постапка.