-->
-->
Пронајдени двајца членови на екипаж по уривањето на американските воени авиони кај јапонскиот брег
-->
Јапонското Министерство за одбрана соопшти дека досега се пронајдени двајца членови на екипаж во водите крај брегот на Јапонија, каде се урнаа два авиони на американскиот Марински корпус.
Прво е откриен еден маринец, чија состојба е стабилна, а по кусо време и вториот, чија состојба за сега не е позната.
Други детали за останатите петмина членови на екипажите засега нема.
Маринскиот корпус на САД претсходно соопшти дека борбен авион Ф/А 18 и авион за дополнување гориво КЦ-130, во кои имало вкупно седум членови на екипажи денеска се урнале кај брегот на Јапонија.
Авионите полетале од воздухопловната база на Маринскиот корпус Ивакуни, во близина на Хирошима, и спроведувале редовна обука кога дошло до несреќата, соопшти Маринскиот корпус.
Во потрагата по исчезнатите војници веднаш се вклучиле и јапонски авиони за потрага и спасување.
МИА
-->
-->
-->
Ново на Сител
-
Алтернатива: Орхан Муртезани е кандидат за министер за европски прашања
-
Малолетник натепан од свои врсници во Аеродром - Еден снимал, другите физичките го нападнале
-
Претседателката Сиљановска-Давкова на отворањето на Самитот за мир во Украина
-
Недела неработен ден за верниците од муслиманска вероисповед
-
Руски воен авион го наруши шведскиот воздушен простор
-
Истрага за двојното убиство во Кратово
-
Поглаварот на ИВЗ, Шаќир Фетаи упати честитка по повод Курбан Бајрам
-
Скопјанец осомничен за разбојништво во банка