Пронајдени десет тела, се зголемува бројот на загинати во пожарот во анимациското студио во Јапонија
Десет тела се пронајдени од страна на спасувачите во зградата на студиото за анимиран филм во западниот јапонски град Кјото, каде што денеска избувна пожар, објави новинската агенција Кјодо.
Се претпоставува дека сите починале, но според јапонските закони, тоа можат да го потврдат само медицински професионалци.
Претходно, новинските агенции, повикувајќи се на пожарникари и локални медиуми, јавија дека едно лице загина, а 37 се повредени, од кои десетмина во тешка состојба.
Според првичните информации, станува збор за подметнат пожар од страна на едно лице кое истурило запаллива течност. Подметнувачот (41) веднаш е уапсен, но поради повреди и тој е префрлен во болница.
Пожарот избувна околу 10 часот и 30 минути по локално време во трикатната зграда на компанијата „Кјото Анимејшн“, која произведува едни од најуспешните телевизиски анимациски серии.
Ново на Сител
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање
-
Во Брисел почна трилатерален состанок на делагациите од Белград, ЕУ и од Приштина
-
Радовишанец во повеќе наврати извршил обљува врз малолетничка
-
Врховен го укина притворот на таткото на Вања, определи куќен притвор и мерка на претпазливост
-
Грчки медиуми: Голема победа на опозициската ВМРО-ДПМНЕ