Пронајден е Андреј од ДНК

Според неофицијални информации до кои дојде екипата на 24Инфо, Андреј од групата ДНК се наоѓа во болницата во Штип.

Семејството бара информации за Ѓорѓи Ѓоргиев од Струмица, член на групата ДНК, а Владимир Блажев, познат како Панчо од ДНК е во болница на кислородна поддршка

Еден од членовите на дуото ДНК на чиј концерт избувна страотниот пожар во дискотека во Кочани е исчезнат, а пејачот Панчо е задржан во болница на одделот за Пластична хирургија во Скопје. Од тимот на ДНК велат дека уште чекаат официјални информации за здравствената состојба на пејачот.

Според списоците објавени во јавноста Владимир Блажев, познат како Панчо од ДНК е примен на одделот за Пластична хирургија во Скопје и е на кислородна поддршка.

За неговата здравствена состојба се огласи неговата сестра Јадранка Николовска која даде изјава за порталот за порталот „Сакам да кажам“.

– Засега знам дека е вон животна опасност, има изгореници на лицето и на раката и е на кислородна поддршка и е во Клиничкиот центар во Скопје. Уште не знам каде е и како се Андреј и останатите членови на бендот. Немам сила да зборувам повеќе – открива Николовска низ солзи.

Семејството на Ѓорѓи Ѓоргиев од Струмица, тапанар, член на групата ДНК, замолува за било какви информации за него.