Промоција на програмата „Европски корпус на солидарноста“

Програмата „Европски корпус на солидарноста“ денеска ќе биде промовирана на конференција што ќе се одржи во ЕУ Инфоцентарот.

Конференцијата е во организација на Министерството за образование и наука, Владата и Националната агенција за европски образовни програми и мобилност.

Најавено е да се обратат вицепремиерот за европски прашања Бујар Османи,  министерот за образование и наука Арбер Адеми и директорката на Националната агенцијата за европски образовни програми и мобилност Лидија Димова.

На конференцијата ќе бидат презентирани успешни прoекти и приказни, како на Специјално училиште „Златен Сремец“ кое е добитник на проект во рамки на програмата „Европски корпус на солидарност“ и на Дарио Каролија – волонтер од „Европски корпус на солидарност“.