Променливото време не е штетно за овошките
Најавеното намалување на температурите за десетина степени по невообичаено топлото време што деновиве ја зафати земјава, нема да предизвика штети во земјоделството, велат агрометеоролозите.
Негативно влијание не се очекува ниту кај кајсијата и бадемот иако тие се веќе процветани. Можно е евентуално проретчување на плодовите, но и тоа би било донекаде позитивно.
-Добро е што заладувањето ќе биде само неколку дена. Потоа повторно се очекува затоплување. Сепак, не сметам дека утрински температури од мунус два или три степени, како што се најавува, ќе направат проблем. Позитивно е што утринските температури, иако негативни во наредните денови, нема да предизвикаат штети зашто во сегашните фази на развој, овошките издржуваат па не би требало да има некој проблем. Виновата лоза, пак, се уште мирува. Кајсијата и бадемот се процветани, но лани ова време имаше снег, па со проблеми подоцна не се соочивме. Напротив, имаше многу род, вели за МИА агрометеорологот од УХМР Ангелко Ангелески.
Заладувањето, објаснува Ангелески, ќе ја забави вегетацијата, а тоа е добредојдено за овошките.
-Ако топлото време потраеше со температури до околу 25 степени, се ќе букнеше наеднаш, што е лошо ако се земе предвид дека појава на мраз може да има и кон крајот на март, нагласува агрометеорологот.
УХМР најави дека заладување се очекува од ноќеска, но без многу врнежи, туку повеќе со пад на температурите.
Ново на Сител
-
Советот НАТО-Украина ќе одржи вонреден состанок за противвоздушната одбрана на Киев
-
Спречен нов атентат врз Зеленски, уапсен Полјак кој соработувал со Русите
-
Бојмацалиев: Една година ФРОНТЕКС - прв договор потпишан на македонски јазик со ЕУ
-
Избрани 12 поротници за судењето против Трамп
-
Директорот на ЦИА предупредува дека Украина би можела да ја изгуби војната до крајот на годинава ако Конгресот не ја одобри помошта за неа
-
Кривична пријава за директор на ЈП „Стрежево" Битола за злоупотреба на службена положба и злоупотреба на постапка за јавен повик
-
Притвор за еден од осомничените за кражбата на сефот од маркет во Црниче
-
ЦУК: Изминатото деноноќие 1 709 повици на 112, нема пожари на отворено