Променливо облачно со сончеви периоди

 Времето денеска ќе биде променливо облачно со сончеви периоди. Во источните делови ќе има услови за локален дожд. Ќе дува умерен, а долж Повардарието и во источните делови повремено засилен ветер од северозападен правец. Минималната температура ќе биде во интервал од 2 до 8, а максималната ќе достигне од 13 до 20 степени.

Во Скопје времето ќе биде променливо oблачно со сончеви периоди и ветровито со умерен до засилен ветер од северозападен правец. Минималната температура ќе се спушти до 5, а максималната ќе достигне до 18 степени.

Во петок под влијание на атмосферски фронт на повеќе места се очекуваат поројни врнежи од дожд, грмежи и засилен ветер, локално во форма на краткотрајно невреме. Во сабота ќе настапи преодно стабилизирање, а од недела ќе преовладува променливо облачно време со локален пороен дожд и грмежи.