Промениво облачно и нестабилно, со пороен дожд и грмежи

Времето денеска ќе биде променливо облачно со повремени врнежи од дожд. На места ќе биде нестабилно со пороен дожд и грмежи, локално во форма на невреме. Ќе дува слаб до умерен ветер претежно од југозападен правец. Минималната температура ќе биде во интервал од 3 до 8, а максималната ќе достигне од 11 до 17 степени.

Од УХМР соопштија дека во Скопје времето ќе биде променливо облачно, попладне и во вечерните часови со врнежи од дожд. Во делови од котлината врнежите повремено ќе бидат поројни. Минималната температура ќе се спушти до 7, а максималната ќе достигне 15 степени.

Во следните денови ќе се задржи променливо облачно време, во среда со повремен локален дожд.