Продолжуваат врнежите, в недела снег и на пониските места

Продолжува периодот на променливо облачно време со повремени врнежи од дожд, а на планините од снег, информира Управата за хидрометеоролошки работи.

Пообилни врнежи ќе има в недела кога ќе преминуваат во снег и на некои од пониските места.

УХМР најавува дека утре минималните темпартури ќе се движат од -2 до 6 степени, максималните од 4 д 11, а задутре од 0 до 6 степени, односно од 3 до 8. Од понеделник следуваат минимални температури и до - 5, а максимални и од 13 степени. 

Како што најави УХМР, денеска ќе биде променливо облачно со повремени локални врнежи од дожд, на повисоките места од дожд и снег, а на планините од снег. Во западните делови ќе дува слаб ветер од променлив правец, а во источните умерен, повремено засилен ветер претежно од северозападен правец.

Максималната температура ќе биде во интервал од 8 до 16 степени. Во Скопје променливо облачно со повремен слаб дожд. Ќе дува слаб ветер од променлив правец.

МИА