Продолжуваат разговорите меѓу партиите
Разговорите меѓу политичките партии треба да продолжат денеска откако вчера повторно не беше постигнат договор. Ова го изјави амбасадорот на САД Џес Бејли по завршувањето на средбата во Клубот на пратениците.
Разговорите за ингеренциите на министерот за внатрешни работи и за техничката влада која што ќе ги спроведува изборите вчера траеја два часа.
Пред почетокот на средбата изјави за медиумите дадоа Никола Тодоров од ВМРО-ДПМНЕ, Радмила Шеќеринска од СДСМ и Артан Груби од ДУИ.
Тодоров и Шекеринска ги повторија веќе изнесените ставови во врска со прашањата за ингеренциите на министерот за внатрешни работи, но не сакаа да соопштаат кои се новите идеи што произлегле на вчерашаната средба, според тврдењата на амбасадорот на САД Џес Бејли. Груби, пак, од ДУИ рече дека е оптимист оти разговорите може да завршат уште денеска или утре доколку македонските партии ги надминат разликите бидејќи тие биле минимални. Доколку се постигне договор сега, според него, избори би можеле да се одржат на 11 декември.
На средбата присуствуваат и Имер Алиу од ДПА, амбасадорот на САД Џес Бејли и претставник на мисијата на ЕУ во отсуство на амбасадорот Аиво Орав.
Ново на Сител
-
Се запали казино во Охрид | ВИДЕО
-
Мицкоски: Скандалозно е вицепремиер да бара од компании да гласаат за СДСМ бидејќи добиле државна помош
-
Кошаркарот од Ѓорче кој ветува промени | Владо Мисајловски | Неформално | Sitel Podcast 033
-
Се дистрибуира доверливиот избирачки материјал од битолската печатница до општинските изборни комисии
-
Ограбена спортска обложувалница на Бит Пазар
-
Повеќе од 30 украински медиумски работници се наоѓаат во руско заробеништво
-
Приведени две лица во Куманово - еден за употреба, друг за продавање дрога
-
Сопружници завршиле во притвор поради меѓусебна пресметка