Продолжува трендот на стабилни откупни цени во Струмичко
Продолжува трендот на стабилни откупни цени на градинарските производи во Струмичко. Пиперката „ајварка“ речиси еден месец се откупува од 18 за рефус и 25 денари за килограм прва класа, а стабилни се и откупните цени на другите култури.
Според откупувачите, трендот на стабилни откупни цени се должи на намаленото, но квалитетно производство, но и поради интересот за струмичките градинарски производи, посебно за „ајварката“.
-Засега најмногу се бара црвената пиперка за ајвар. Јас откупувам исклучиво прва класа по цена од 25 денари за килограм и ја пласирам на пазарите во ЕУ. Засега нема никакви проблеми и се надевам дека така ќе биде до крајот на сезоната за пиперката, рече Ацо Стоилков, откупувач од Струмица.
Додава дека во овој период се откупува и зелката по десет денари за килограм и дека за неа имало интерес.
Според информации од земјоделските производители, во Струмичко дневно се берат и се извезуваат околу 500 тони пиперки засадени на отворено и под пластеници.
-Покрај „ајварката“ добра откупна цена држат доматите, кои се откупуваат од 20 до 30 денари за килограм и краставиците, чија откупна цена е 20 денари, информира Коце Божиков, земјоделец од село Дабиле.
Пиперката „ајварка“ и останатите градинарски култури се извезуваат во Хрватска, Србија, Романија, Бугарија, Грција и други земји, а покрај странците големи количини откупуваат и домашните фабрики.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово