Продадени 13 градежни парцели во Нов Дојран, со електронско наддавање
Општина Дојран по пат на електронско јавно наддавање денеска продаде 13 од огласените 16 градежни парцели предвидени за изградба на викенд куќи во населбата Калдрма во Нов Дојран.
Во овој туристички локалитет моментно постои голем интерес за купување градежни парцели што може да се види и од висината на постигнатите цени на лицитацијата кои се движеа од 470 до 1.320 денaри за метар квадратен и покрај тоа што почетната цена изнесуваше само 61 денар за метар квадратен.
Продадените парцели се со површина од 500 до 1.118 метри квадратни, а купувачите имаат рок од девет месеци за да обезбедат одобрение за градење и период од две години за да ги изградат објектите откако ќе обезбедат градежна дозвола.
Во наредниот период, како што информираа од општината, ќе се организира повторно електронско јавно наддавање за непродадените три парцели за кои ќе се бараат нови инвеститори.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово