Про фајт: Мики Ивановски е македонскиот „бисер“

Мики Ивановски е Кик Боксер со големо интернационално искуство и дури 34 борби во Про фајт 17. 

Последниот меч го имаше во Дупница, Бугарија каде во дуелот со европскиот и вицесветски ИТФ шампион  Илијан Томанов ја забележа 24-тата победа во категоријата до 86 килограми. 

Ивановски по мечот изјави дека е пресреќен од победата но и фактот што настанот го организирала најпрестижната професионална организација Про фајт во која членуваат  најдокажаните Кик-боксери.  Дека полека се придвижува кон професионалните води говори и неговата изјава:

- Време е да го завршам натпреварувањето во аматерска конкуренција и затоа можат моите фанови да очекуваат повеќе профи- мечеви од мене, изјави носителот на неколку балкански шампионати, светски купови и трократен носител на медали од европските првенства. 

Една од желбите на Мики Ивановски е и во Македонија да се подигне нивото на организација  на вакви настани каков што беше во Дупница што сигурно ќе привлече квалитетни Кик-боксери од опкружувањето и пошироко.  Ивановски посебно ја истакнува соработката со масерот и бионергетичар Живко Димитровски кој редовно наоѓа време да му помогне во санирањето на повредите но и потребната рекуперација по тешките борби.  Соработката ќе продолжи и на Профи-мечевите – истакна Ивановски.