Призрен: Татко се обидел да ја убие својата ќерка

Тежок инцидент се случил денеска во Призрен, каде маж пукал неколку пати во правец на својата ќерка.

Случајот е оквалификуван како „убиство во обид“.

Како што е соопштено, осомничениот Н.Х.(59) по вербален конфликт со членовите на семејството извадил пиштол и трипати пукал во правец на неговата ќерка А.Х.(31), јавува „Репортер“.

Синот на осомничениот успеал насилно да го одземе пиштолот од раката на неговиот татко.

После тоа, осомничениот најпрвин телефонски пријавил во полиција дека пукал во ќерката и дека не знае дали ја убил или не, а во исто време се предал на полицијата во Призрен.

Извршена е истрага, прибрани се докази и изјави и со осомничениот и жртвата извршен е разговор. По наредба на државен обвинител на осомничениот му е одредена мерка притвор до 48 часа.