Приврзаниците на Брекзит добија најголеми донации

Групите што агитираат за гласање во корист на излегувањето на Велика Британија од Европската унија на референдум во идниот месец, добиле 8,2 милиона фунти (12 милиони долари) донации за 81 ден, соопшти избирачката комисија.

Групата наречена Leave.EU која не е официјалната водечка во кампањата во корист на Брекзит, добила донација од 3,2 милиона фунти од основачот на инвестициската компанија Харгривс Ландсдаун, Питер Харгривс.

Официјалната кампања за останување на Британија во ЕУ добила две донации од 2 милиона фунти од бизнисменот Дејвид Сејнсбери.

Тоа се суми на донации регистрирани од Избирачката комисија од 1 февруари до 21 април.