Привршува изградбата на пречистителна станица за отпадни води во Глумово-Шишево

Министерот за животна средина и просторно планирање Нурхан Изаири заедно со градоначалникот на општина Сарај Беким Мурати денеска направија увид во реализацијата на проектот за изградба на пречистителна станица за отпадни води во Глумово-Шишево во општина Сарај. 

При увидот, како што информират од кабинетот на министерот Изаири, констатирано е дека проектот е во завршна фаза. - Физичките работи на објектите се целосно реализирани, а во тек се подготвителни работи за приклучок на водоводна и електро-дистрибутивна мрежа од страна на ЈП Водовод Скопје и ЕВН Македонија. По испитувањето и добивањето на протоколи од акредитирани институции објектот во скоро време се очекува да биде спремен за технички преглед и пробна работа, се наведува во соопштението.

Проектот е финансиран од Министерство за животна средина и просторно планирање и е во вредност од  44.323.679,00 денари.