Приведени две лица во Струмица, кривична пријава за продажба на дрога
Секторот за внатрешни работи Струмица денеска до Основното јавно обвинителство Струмица поднесе кривична пријава против Р.Р. (30) од охридското село Трпејца и Г.А. (39) од Радовиш поради постоење на сомнение дека сториле кривично дело „неовластено производство и пуштање во промет на наркотични дроги, психотропни супстанци и прекурзори“.
Како што соопшти МВР, на 15 јануари 2024 година во 23.50 часот во дворно место на хотел во Струмица од страна на полициски службеници од СВР Струмица бил извршен преглед над осомничените. Притоа кај Р.Р. биле пронајдени две, а кај Г.А. едно ќесе со кокаин.
Лицата биле лишени од слобода и задржани во Полициската станица Струмица, а за настанот бил запознаен Јавен обвинител од Основното јавно обвинителство Струмица.
Полициски службеници од Одделението за внатрешни работи Радовиш денеска постапувајќи по судска наредба, извршиле претрес во домот во кој престојува Р.Р. во Радовиш, при што била пронајдена дигитална вага со остатоци од бела прашкаста материја.
Лицата се изведени пред судија на претходна постапка од Основен суд Струмица.
Ново на Сител
-
Трамп: Не смееме да го укинеме договорот за нуклеарни ограничувања
-
Маж од радовишко паднал од трактор и бил прегазен, приведен возачот на тракторот
-
Приведени 12 лица, при претрес на возила пронајдена е дрога
-
Две лица под истрага за грубо насилство во скопско Орешани
-
Кина предлага создавање меѓународна организација за вештачка интелигенција
-
Трамп пристигна во Шкотска, најави средби со Стармер и Фон дер Лајен
-
Во Скопје денеска и утре авионска дезинсекција против возрасни форми на комарци
-
Беровскиот кризен штаб го повика населението доброволно да се вклучи во гаснење на пожарот на планината Готен