Приведени двајца малолетници од Скопје, се сомничат за кражба

На подрачјето на Шуто Оризари ноќеска, во 01:25 часот, полициски службеници од Единицата за интервентна полиција при СВР Скопје лишиле од слобода двајца малолетници од Скопје.

Како што информира МВБР, тие се сомничат дека извршиле кривично дело „тешка кражба“ на подрачјето на Шуто Оризари, при што одзеле повеќе предмети. Кај нив биле пронајдени одземените предмети и биле вратени на сопствениците.

По целосно документирање на случајот, против нив ќе биде поднесена соодветна пријава.