Приведен малолетник од Скопје фатен при извршување кражба

Полициски служебници вчера во 15 часот на ул. 11 Октомври“ во Скопје лишиле од слобода малолетник од Скопје, кој бил затекнат при извршување кражба во продажен објект.

Како што информираа од МВР, тој бил приведен во полициска станица и во присуство на родител со него бил извршен разговор и му биле одземени пари кои потекнуваат од кривично дело.

За настанот бил известен Јавен обвинител и Јавната установа центар за социјални работи Скопје, а по целосно документирање на случајот против него ќе биде поднесен соодветен поднесок.