Приведен криминалец баран со потерница за седумгодишна затворска казна

Полициски службеници од СВР Куманово вчера во 12.40 часот го лишиле од слобода Р.Б.(27) од Крива Паланка.

Тој бил осуден на затворска казна од седум години за сторено кривично дело „разбојништво“ по член 237 став 1 од Кривичниот законик и бил баран со потерница од Основен суд Куманово за доиздржување на казна затвор во траење од четири години и три месеци.

Од МВР денеска соопштија дека Р.Б. бил спроведен во Казнено – поправна установа Затвор „Идризово“ за доиздржување на казната.