Приведен крадец од Трубарево за издржување двегодишна казна затвор

Полициски службеници од  Оперативен тим Потраги во содејство со Единицата за интервентна полиција, ноќеска во 1.40 часот на подрачјето на Гази Баба го лишиле од слобода И.Н.(24) од скопско Трубарево.

-За него била распишана централна потерница врз основа на наредба од Основен кривичен суд Скопје. Тој бил осуден на казна затвор во времетраење од две години за сторено кривично дело „тешка кражба“ по член 236 од Кривичниот законик, соопшти Министерството за внатрешни работи.

МВР информира дека И.Н. е предаден во полициска станица за понатамошна постапка, по што ќе биде спроведен во казнено-поправна установа за издржување на казната.