Приведен 41-годишен струмичанец осомничен за кражба на паричник од возило

Полициски службеници од Секторот за внатрешни работи Струмица денеска во 11.30 часот го лишиле од слобода 41-годишниот  струмичанец Г.П.  осомничен дека претходно одзел паричник од возило во Струмица.

-Кај него биле пронајдени украдените пари и ќе бидат вратени на сопственикот. Лицето било задржано во Полициската станица Струмица, а за настанот бил запознаен Јавен обвинител од Основното јавно обвинителство Струмица, соопшти Министерството за внатрешни работи.

МВР додава дека по целосно документирање на случајот, против Г.П. ќе биде поднесена соодветна пријава.