Притвор за три лица од гостиварско поради разбојништво
СВР Тетово – Надворешна канцеларија за криминалистички работи Гостивар го расчисти разбојништвото кое на 25 октомври околу 20 часот било извршено врз 48-годишниот српски државјанин Г.С., и до Основното јавно обвинителство Гостивар поднесе кривични пријави против М.Х. (33) и Љ.Х. (27), двајцата од гостиварското село Дебреше и Ш.Ј. (42) од гостиварски Равен.
Тројцата пријавени, како што соопшти МВР, се сомничат дека во близина на наплатната станица Гостивар, прво побарале да влезат во товарно моторно возило „Сканија“, со српски регистарски ознаки, што го управувало Г.С, а потоа и физички го нападнале и со закана со остар предмет му одзеле паричник со 9.000 српски динари, 50 евра, возачка дозвола и банкарска картичка.
Нешто подоцна, пријавените се лишени од слобода и изведени пред судија во претходна постапка на Основниот суд Гостивар, кој им определил мерка притвор од 30 дена, по што биле спроведени во Казнено-поправната установа Затвор Скопје – Скопје, стои во соопштението.
Ново на Сител
-
ОБСЕ: На крајот на денот ќе оцениме како се одржало гласањето
-
Аналитички центар на Сител: Просечна излезност до 9 часот
-
Министерот се премисли: Основците нема да одат на училиште во сабота
-
Агресијата кај учениците е резултат на целокупната состојба во државата
-
ВО ЖИВО: Нема настава во сабота
-
Тема на денот со претседателот на ДИК, Александар Даштевски
-
ССК: Кога среда е неработен ден, сте ја изгубиле цела недела
-
Во Југоистокот на државата запишани 1547 болни и изнемоштени лица