Принцот Чарлс најскапо го чинело патувањето во Србија

Британскиот престолонаследник минатата година потрошил околу четири милиони фунти за патувања, а најскапо било во земјите од поранешна Југославија.

Според британските медиуми, речиси стотици илјади фунти бил платен патот за принцот Чарлс и војвотката од Корнвол во Хрватска, Србија, Црна Гора и на Косово.

Во текот на годинава брачната двојка имала 76 патувања ширум светот, а секое чинело повеќе од десет илјади фунти, а вкупните трошоци на патувањата биле околу четири милиони фунти, 1,1 милион помалку отколку минатата година.

Принцот Чарлс и неговата сопруга Камила престојуваа во Србија кон средината на март оваа година.