Ракомет
23. January 2023 - 20:03

Президент куп: Македонија го совлада Мароко и ќе разигрува за 27. место

Македонската ракометна репрезентација славеше со 40-25 против Мароко на Президент купот и во среда од 18ч ќе разигрува за 27-то место со селекцијата на Јужна Кореја. 

Нашата селекција одлично го започна мечот со водство од 7-2 но дозволи Мароканците да се вратат на негатива од 2 гола. 
Сепак до крајот на првиот дел избраниците на Лазаров го диктираа темпото и обезбедија водство од 18-12. 
Во вториот дел предводени од расположениот5 Кузмановски кој постигна 9 погодоци ја зголемивме предноста на плус 15 што ни донесе убедлива победа од 40-25.
Седум погодоци за нашиот тим постигна Атанасијевиќ додека добар ден имаше и голманот Томовски со 12 одбрани.