Презентација на можностите за отворање работни места во македонските компании

Пред членките на Стопанската комора на Македонија денеска ќе бидат презентирани можностите за финансиска поддршка за отворање нови работни места преку мерките и програмите за бизнис секторот, а во рамки на Оперативниот план на активни програми и мерки за вработување и услуги на пазарот на трудот за 2017 година.

На презентацијата најавено е обраќање на министерката за труд и социјална политика Мила Царовска, постојаната претставничка на Програмата за развој на Обединетите нации, Луиза Винтон, директорката на Агенцијата за вработување на Република Македонија, Билјана Јовановска и оперативната директорка на Организација на комората Елена Милевска Штрбевска.