Претставници на Град Скопје на „Европска недела на региони и градови“
Делегација од Град Скопје, предводена од градоначалникот Коце Трајановски, од денеска до четврток во Брисел ќе учествува на 13-то издание на „Отворени денови - Европската недела на региони и градови".
На овој традиционален четиридневен настан, кој првпат е организиран во 2003 година од Комитетот на регионите при ЕУ, градовите и регионите од Европа имаат можност да се претстават пред јавноста, а целта е подобрување на соработка на локално и на регионално ниво.
Градот Скопје, годинава по првпат, во рамки на манифестацијата ќе организира отворен ден, што ќе се одржи во Мисијата на Република Македонија во Брисел. На овој отворен прием сите учесници во Отворените денови ќе имаат можност да се запознаат со македонската традиционална кујна, вино и музика.
Како што информираат од Град Скопје, во рамки на манифестацијата, Трајановски ќе ја потпише „Зелената дигитална повелба" (Green digital charter) со која градовите се обврзуваат да преземат активности за намалување на последиците од климатските промени преку користење информациски и комуникациски технологии за развој (ИКТ).
Отворените денови се сметаат за одлична платформа за вмрежување меѓу градовите и регионите, размена на искуства и добри практики во повеќе области, како што се економскиот развој и социјалната инклузија, јавното-приватно партнерство, прекуграничната соработка, регионалните иновации и локалниот економски развој.
На годинашново издание на „Отворени денови - Европската недела на региони и градови" ќе учествуваат околу 6.000 претставници од повеќе од 200 региони и градови од Европа, а во работниот дел ќе се одржат над 140 дебати и работилници.
Ново на Сител
-
Кривична пријава против градоначалникот на Струга поради незаконско назначување директор на училиште
-
Откриени илегални мигранти во две возила управувани од турски државјани
-
Мисајловски: Само со стабилно финансирање ќе успееме да ги развиваме одбранбените способности
-
Мицкоски за писмото до ЕУ: Се уште правиме анализи, избрзани чекори се лош потег
-
Сомневањата за вмешаноста на таткото на Вања првично потекнаа од изјавите на Велибор и Боре, изјави сведок на судењето
-
Барак и Мишел Обама се вклучија во кампањата на Камала Харис за избор за претседател на САД
-
Четворица работници повредени во ескплозија во погонот за артилерија во фабриката Слобода во Чачак
-
По повод 20-годишнината, НЕОТЕЛ воведува нов пакет за деловни корисници со брзина до 500 Mbps