Претставничкиот дом на Конгресот на САД бара извештај за воената соработка на Србија со Русија

Претставничкиот дом на Конгресот на САД усвои Закон за национална одбрана за следната фискална година, со амандман со кој од Министерството за одбрана се бара извештај за воената соработка на Србија и Русија.

Членот на Одборот за надворешни прашања, Елиот Енџел изјави дека тој негов амандман ќе овозможи „известување за воениот однос на Србија со Русија“, објавено е на сајтот на конгресменот Енџел.

– Тоа ќе помогне на САД да се спротистават на дестабилизирачките активности на Русија на Балканот, наведува Енџел во изјавата.