Претседателски избори во Русија на 17 март, за прв пат ќе гласаат и жителите на Доњецк, Луганск, Запорожје и Херсон
Горниот дом на рускиот парламент изгласа претседателските избори во Русија да бидат на 17 март 2024 година. Одлуката беше донесена едногласно со 162 гласа во Советот на Федерацијата.
„Со оваа одлука всушност ја започнуваме изборната кампања“, изјави Валентина Матвиенко, претседател на Советот на Федерацијата.
Таа додаде дека за прв пат на изборите ќе гласаат жителите на делови од украинските региони Доњецк, Луганск, Запорожје и Херсон, кои беа припоени од Русија.
„Со заеднички избор на претседател на земјата, целосно ја споделуваме одговорноста и судбината на нашата татковина“, рече Матвиенко.
Претседателот Владимир Путин се уште официјално не ја објавил својата намера да се кандидира за нов шестгодишен претседателски мандат.
Право на глас во Русија имаат околу 110 милиони луѓе, но обично 70-80 милиони излегуваат на гласање.
Ново на Сител
-
Ги испрскал со вода, а потоа ги пречекал и пукал со пиштол - Обид за убиство во Чаир
-
Украина доби 3,9 милијарди долари од САД преку програмата на Светска банка
-
До крајот на неделава сончево и топло до 40 степени
-
Избори за член на Судски совет на 4 септември, судијката Џенета Бегтовиќ единствена кандидатка
-
Продолжи комисиската амандманска расправа за ребалансот на Буџетот
-
Македонските кошаркарски јуниори го освоија Европското првенство во „Б“ дивизија
-
4 часа се чека на „Богородица“ и „Дојран“ за влез во Грција
-
ЦУК: Пет активни пожари, три под контрола