Претседателот Пендаровски се сретна со шведскиот амбасадор Стафансон
Шефот на државата Стево Пендаровски денеска се сретна со амбасадорот на Кралството Шведска во нашата земја Матс Стафансон.
Двајцата соговорници, како што соопшти кабинетот на Пендаровски, разменија мислења за севкупните билатерални односи меѓу Република Северна Македонија и Кралството Шведска, кои се карактеризираат со пријателство и заемно разбирање.
Претседателот Пендаровски изразил очекување за натамошно продлабочување на билатералните односи меѓу двете држави и посочил на потребата за интензивирање на комуникацијата на високо и на највисоко ниво.
На средбата претседателот Пендаровски ја истакнал важноста на континуираната шведска поддршка за интеграција на Република Северна Македонија во Европската Унија.
– Во таа насока, претседателот Пендаровски изрази очекување за скорешно одредување датум за почеток на пристапните преговори со Европската Унија, истакнувајќи дека идното членство на Република Северна Македонија и на земјите од регионот во Европската Унија е важен предуслов за обезбедување на напредок и трајна стабилност, се вели во соопштението.
Ново на Сител
-
Тема на денот со Димитар Ковачевски, претседател на СДСМ
-
Годишнина од заседата кај Ваксинце
-
Христијаните го празнуваат Велики петок
-
Обичаи и верувања за Велики петок
-
Дали и кој ќе им ги врати парите на граѓаните кои платија поскапо осигурување за регистрација на возилата?
-
Дали Токсикологија е одраз на функционирањето на здравствениот систем?
-
Македонија на 36-то место на индексот за слобода на медиумите за 2024 година на „Репортери без граница“
-
Тивок бојкот или уште поголема излезност? Мицкоски уверува дека цензусот за Силјановска е обезбеден