Претседателот на Собранието Џафери на Осмата пленарна сесија на ПС на ПСЈИЕ во Анталија
Претседателот на Собранието на Република Македонија Талат Џафери, во својство на шеф на Делегацијата во Парламентарното собрание на Процесот за соработка во Југоисточна Европа од денеска до 23 јуни ќе учествува на Осмата пленарна сесија на ПС на ПСЈИЕ во Анталија, во организација на турското претседавање со Процесот 2020-2021. Во составот на Делегација се и пратениците Павле Трајанов и Хусни Исмаили.
Како што соопшти собраниската прес-служба, пред одржување на пленарната сесија, седници ќе одржат трите Генерални комитети и тоа економија, инфраструктура и енергија, правда, внатрешни работи и безбедносна соработка и социјален развој, образование, истражување и наука, како и Постојаниот комитет.
Се очекува на пленарната сесија да се усвои Завршна декларација.
Покрај тоа, претседателот ќе оствари неколку билатерални средби со присутните делегации.
Делегацијата на Собранието на 23 јуни во Истанбул ќе оствари средба со Асаф Хаџиев, генералниот секретар на Парламентарното собрание на Организацијата за Црноморска економска соработка (ПАБСЕК). Собранието на Република Македонија на 22 јуни 2021 година за време на Генералното собрание ПАБСЕК во Молдавија, ќе стане член на оваа организација, што е градење на еден нов мост на пријателство со светот, се наведува во соопштението од Собранието.
Ново на Сител
-
ВМРО-ДПМНЕ демантира дека разговара за ресори и поделба на власта со „Вреди“
-
ЕУ: Очекуваме соработка со претседателката на Македонија
-
Србија испраќа хуманитарна помош за Газа
-
Бојан Миовски номиниран за фудбалер на годината во Шкотска
-
Излета автомобил од патот Куманово – Скопје, едно лице тешко повредено
-
Драма во Скопје: Претепал жена, а потоа бил агресивен кон полицијата
-
Исчезна Турчинка која престојувала во хотел во Скопје
-
Избувна пожар во куќа во Пласница, зафатена и соседната куќа