Премиерот Заев во посета на фабриката „Маркарт“

– Премиерот Зоран Заев, денеска ќе ја посети фабриката за производство на електрични свичови за автомобили, „Маркарт“ во с.Каласлари, во близина на Велес.

По обиколката на фабриката, предвидени се изјави за медиумите на премиерот Заев и на сопственикот на компанијата Харалд Маркарт.

Маркарт групацијата – гигант во автомобилската индустрија, е основана во 1925 година, и е водечки светски производител на електромеханички и електронски додатоци и системи за автомобили, електричен алат, апарати за домаќинство и други индустриски апликации. Фабриката на „Маркарт”, во Велес е отворена во 2015 година и првично вработуваше 120 лица, со план до 2017 година да има 600 вработени.