Премиерот на Словачка си поднесе оставка по заминувањето на неколку негови министри

Словачкиот премиер Едуард Хегер објави дека ја доставил оставката на неговата привремена влада до претседателката Зузана Чапутова, откако оставките на неколку министри го ослабеа неговиот кабинет.

Како што пренесува Ројтерс, Хегер ќе се сретне со претседателката, која има овластување да назначи нов технички премиер, кој треба да биде на функцијата до изборите во септември.

Хегер се соочува со повици од опозицијата да ѝ отстапи место на технократска администрација, која би управувала со Словачка до следните предвремени избори.