Премиерите на В4 на состанок за мигрантската криза
Според чешкиот премиер Бохуслав Соботка, мигрантската криза нема да води до крајот на Европската уника (ЕУ), а поголема опасност е растечкиот популизам и фрустрациите на граѓаните, јави дописникот на МИА од Прага.
Соботка на Прашкиот Европски Самит (6-8 јуни) во својот говор оцени дека можно решение е градењето на доверба меѓу земјите-членки и зајакнување на европската кохезија.
Европа, според неговите зборови, не треба заборави своите достигнувања.
- Темата на миграцијата има силен одѕив во ЕУ, но не мислам дека европскиот проект сега може да се распадне, рече Соботка.
Тој додаде дека многу повеќе на Европа и се заканува национализмот, кој го користат популистите, како и растечката недоверба на Европејците во ЕУ.
Во Европа растат националистичките тенденции и се појавуваат радикали, кои нудат лесни решенија, предупреди претседателот на чешката влада, кој смета дека најдобар начин за Европа да се спротивстави на овие тенденции, е враќање кон суштината на европската соработка - изградба на мирна заедница на државите и подобрување на животниот стандард на Европејците.
За една од причините за зголемената фрустрација на европската јавност, чешкиот премиер ја означи неможноста на Европската унија, да ги пренесе позитивните приказни.
- Ние треба да зборуваме не само за предизвиците, кои мора да ги решаваме, туку и тоа дека успеваме да се справиме со нив, рече Соботка наведувајќи го како пример, договорот со Турција за враќање на нелегалните мигранти пристигнати во Грција.
Полската премиерка Беата Шидло го поддржа Соботка во оценката, дека ЕУ не смее да дозволи поделба на неколку помали унии.
Таа смета дека Европа мора да биде ,,солидарна со своите држави кои директно се соочуваат со миграциската криза и дека кога некој има поинакво мислење треба да се сослуша".
Унгарскиот премиер Виктор Орбан спомена и други проблеми, како на пример нефункционирањето на надворешната политика заснована на градењето на демократијата.
- Реагиравме во Ирак, Сирија и Либија, но тие земји веќе не постојат, ние ги уништивме, рече Орбан, подвлекувајќи дека од тие причини луѓето ја губат надежта.
Премиерите на Вишеградската група (Полска, Унгарија, Чешка и Словачка) подвлекоа дека промена во ЕУ би настанала ако Велика Британија на претстојниот Референдум одлучи да ја напушти Унијата и заклучија дека е потребно таа да остане во сојузот.
Ново на Сител
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово
-
Курти: Неизрекувањето санкции ја охрабрува агресивноста на Србија
-
Министерот Тошковски во посета на ОВР Кичево и полициските одделенија Зајас и Осломеј
-
Украден сеф со пари од менувачница во Чаир
-
Две жени пријавиле семејно насилство, едната од сегашниот другата од поранешниот сопруг
-
МЗ: Позитивен став кон приватните специјализанти, но решение после изборите