Премиерата на седмата сезона на „Игра на тронови" ги урна сите рекорди на ХБО
Првата епизода од седмата сезона на ТВ серијата „Игра на тронови", којашто премиерно беше прикажана завчера, ги надмина сите рекорди на гледаност на ХБО мрежата.
Преку многуте сервиси коишто ги пренесуваат ХБО каналите, првата епизода од седмата сезона ја гледале над 16 милиони луѓе, со што тоа е најгледаната премера на ХБО воопшто.
За споредба, првата епизода од минатата шеста сезона ја гледале околу осум милиони фанови, а пак, последната - 25,7 милиони.
Фантастичната приказна за дворските игри околу престолот, чиишто креатори се Дејвид Бениоф и Д.Б. Веис, привлече милиони фанови ширум светот и освои бројни номинации и награди, како што се „Еми“ за најдобра драма серија, или номинацијата за „Златен глобус“ за најдобра телевизиска серија.
Патем, Питер Динклиџ освои „Еми“ за најдобра машка споредна улога.
Авантуристичко-фиктивната приказна сместена во Средниот век, веќе по третата сезона ја симна од престолот дотогаш најгледаната ХБО серија „Сопранови".
Втората епизода од новата сезона на „Игра на тронови" ќе биде емитувана в понеделник, 24 јули.
Ново на Сител
-
Путин: Руските сили напредуваат на сите фронтови во Украина
-
Герапетритис: Ќе бидеме строги за верното и доследно спроведување на Договорот од Преспа од Северна Македонија
-
Палчо вечерва слетува во Македонија - ќе биде пренесен во Шутка
-
Грчки пратеник го искина Преспанскиот договор при собраниска седница
-
Пронајдена почината Аргентинка во хотелска соба во Охрид
-
Курти за вонредни избори во Косово: Опозицијата да се подготви, ние сме секогаш подготвени
-
Фицо е во тешка животозагрозувачка состојба
-
МОН: Започна печатењето на одобрените учебници од прво до седмо одделение