Прегазени две деца пешаци - возачот избегал

Тринаесетгодишно дете е потешко повредено, а неговото другарче (12) се здобило со полесни повреди синоќа во Прилеп кога автомобил управуван од непознато лице удрил во нив. Полицијата, како што соопшти, презема мерки за пронаоѓање на возачот, кој избегал од местото на несреќата.

Настанот се случил во 21:30 часот во Прилеп на ул.„Трајко Тарцан“. Непознатиот возач управувајќи автомобил, удрило во пешаците-деца на возраст од 12 и 13 години. Децата се пренесени во градската болница Прилеп, каде кај 13-годишното дете се констатирани тешки телесни повреди, додека 12-годишното дете се здобило со телесни повреди, стои во полицискиот билтен.

Увид на лице место извршила екипа од Полициската станица во Прилеп. Се преземаат мерки за пронаоѓање на возачот.