Предавања за современата археолошка теорија

Студентското археолошко здружение „Аксиос“ од Скопје денеска во Археолошкиот музеј на Македонија ќе организира „Современа археолошка теорија“ - серија предавања и дискусии поврзани со современите теориски и методолошки тенденции во археологијата и нејзините сродни науки со учество на млади истражувачи.
- Се одлучивме за настан на кој нема да се зборува за конкретни археолошки наоди, локалитети, хипотези и претпоставки, туку ќе се дискутира за општите научни цели и принципи на археологијата, за нејзините теориски и методолошки основи, истакнуваат од „Аксиос“.
Настанот ќе биде составен од шест предавања преку кои говорниците ќе ги искажат своите ставови поврзани со отворените прашања и насоки на развој на современата археолошка теорија и методологија.
Серијата ќе биде отворена со излагање на доц. д-р Гоце Наумов од Центарот за истражување на предисторијата, на тема „Теорија без територија: за епистемологијата и постпроцесната археологија“.
Излагања ќе имаат и доц. д-р Ирена Теодора Весевска од Филозофскиот факултет во Скопје, м-р Мишко Тутковски од НУ Стоби, Кристијан Тошески од здружението „Аксиос“, Кирил Денковски од Македонското археолошко научно друштво и Ѓоре Милевски од Центарот за истражување на предисторијата.
Ново на Сител
-

Koшта: Проширувањето на ЕУ служи за зајакнување на Европа, како отпорна економска сила и сила за мир
-

Измамници ја користат видео играта GTA VI за да крадат пари и податоци од гејмерите
-

Побаран притвор за охриѓанецот кој ја претепа својата девојка - се товари за три кривични дела
-

Мицкоски со осуда за нападот врз девојката во Охрид: Ќе сториме сè сторителот да одговара пред правдата
-

Попладнево повторно приведен Корабоски – нови околности во случајот
-

Чеферин гостин на Омерагиќ, заедно ќе го следат дуелот Македонија – Словенија
-

МФ: Јавниот долг во 2027, во согласност со ревидираните податоци за БДП, нема да го надмине прагот од 60%
-

Родителите со две ќерки се најсреќни, покажува научна студија на речиси 50.000 луѓе
