Пратениците одлучуваат дали ќе има референдум за образовните реформи

Пратениците денеска ќе одлучат дали ќе има референдум за образовните реформи на министерката Мила Царовска. 

Претставници на Граѓанската иницијатива „Учебници и настава мора да има“ се повикани денеска во Собранието каде пратениците треба да разгледаат дали нивната иницијатива е комплетна. Родителите во вторникот собираа иницијални потписи во две подрачни единици на Државната изборна комисија.

Минатата недела пратениците ја одбија првата иницијатива бидејќи таа не беше комплетна.

Родителите завчера излегоа на протести во Скопје и во другите градови против најавените реформи.

Министерството за образование, пак, смета дека блокирањето на напредокот во образованието преку дигитализација на учебниците е апсурдно.

Даниел Василев