Познат распоредот за кошаркарската Супер лига

 

 

 Првиот дел од македонскиот кошаркарски шампионат заврши со 14. одиграно коло изминатиот викенд со што се одреди и финалниот пласман на клубовите на табелата.

 

Фени Индустри го заврши првиот дел од сезоната на првото место на табелата, со само два порази. Второпласиран е Работнички, вицешампионот Куманово е на третото место на табелата додека Кожув е последниот учесник во Супер лигата по пласман од првиот дел на сезоната. На овие четири екипи ќе им се приклучат бранителот на шампионската титула МЗТ Скопје Аеродром и Карпош Соколи, тимови кои се натпреварува на два меѓународни фронта – АБА лига и Еврокуп односно АБА лига и БИБЛ лига.

 

На ждрепката одржана во просториите на Македонската кошаркарска федерација беа одредени броевите на МЗТ Скопје Аеродром и на Карпош Соколи, а потоа се одреди и распоредот на натпревари во Супер лигата.

 

Супер лигата ќе стартува на 11 март, а двојките за 1.коло се:

 

МЗТ Скопје Аеродром – Фени Индустри,

Карпош Соколи – Работнички и

Куманово – Кожув.

 

Ќе се играат вкупно десет рунди по што најдобрите четири екипи продолжуваат во полуфиналето од разигрувањето за титулата.

 

Во првото коло од плеј-аутот каде настапуваат екипите кои се борат за опстанок се среќаваат:

Струмица – Вардар и

Пелистер – Охрид.

 

И овие натпревари се закажани за 11 март.