Пожарот над Македонска Каменица ставен под контрола
Пожарот над Македонска Каменица кој започна од месноста Валичарско маало е ставен под контрола, но се уште активен. Според информацијата од ЦУК Делчево, првичната проценка е дека со пожарот е зафатена површина од околу 70 хектари висока борова шума.
- Во гаснењето на пожарот од вчера попладне и денеска, учествуваат и два авиона од Дирекцијата за заштита и спасување. Исто така, има и голем број доброволци од месното население, екипи од ЈП Подружница „Голак“ Делчево, од ЈП „Камена Река“, како и ТППЕ од М. Каменица, Делчево, Кочани и Виница, но и од ЈП„ Брегалница“ Делчево, истакнува Драган Балас од ЦУК Делчево.
Тој додаде дека на барање на општината и според првичната проценка за опасноста од пожарот, кој почнал да се шири и кон селото Цера, и поради непристапниот терен, биле повикани да интервенираат и авионите од ДЗС.
Пожарот над Македонска Каменица е активен од вчера попладне од 15 часот, а во моментов се прават напори пламените јазици да не излезат од контрола, поради ветерот и сувата трева.
Ново на Сител
-
Пожар зафати куќа во неготинско Долни Дисан
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари