Пожарот на Голак се уште активен
Сѐ уште е активен пожарот на Голак што почна вчера попладне и зафати површина од 100 хектари борова шума.
Според директорот на јавното претпријатие за шумско стопанство „Голак“, Јордан Димитровски, состојбата со пожарот е критична и засега, по слободна проценка, е зафатена борова шума со површина над 100 хектари, а во гаснењето ангажирани се екипи од подружниците на јавното претпријатие „Македонски шуми“ од Берово, Пехчево, Македонска Каменица и Делчево, противпожарни екипи од регионот, како и од делчевското комунално претпријатие.
Од Дирекцијата за заштита и спасување информираат дека се ангажираат и просторните сили, а се помага и со опрема.
Пожарот на Голак е потпален од неколку страни. Првиот пожар е пријавен вчера околу 15 часот и тој почнал кај Ѓорговите колиби кај Разловци, при што зафатил површина од 20 хектари со ретка борова шума. Но, по 16:30 часот на месноста Средна почнал пожар којшто се проширил и кон Пехчево и Берово, но и кон делчевски Истевник.
Надлежните се сомневаат дека причина за пожарот е човечки фактор.
Ново на Сител
-
Собранието за утре закажа седница на Комисијата за изборите и именувањата
-
Николовски: Компресорската станица работи без прекин, клиниките можат да кажат зошто не работат хируршките сали
-
Најмногу слободни работни места во секторот Административни и помошни услужни дејности
-
Мицевски очекува да има двотретинско мнозинство за законските измени за реорганизација на министерствата
-
ГИК: СНС во Белград освои 52 отсо гласови, според ЦЕСИД и ИПСОС во Ниш го нема мнозинството
-
ЈП Комунална хигиена –Скопје за еден месец подигна 1800 кубни метри смет од диви депонии
-
Во 2023 година намален бројот на склучени, а зголемен на разведени бракови
-
Горивата поевтинуваат за половина денар по литар