Пожар во месноста Мусица кај Бушава Планина
Тимови на Дирекцијата за заштита и спасување од денеска ќе се вклучат во акцијата за гаснење на пожарот на отворен простор кај месноста викана Мусица кај Бушава Планина, активен од вечерта на 19-ти овој месец.
ДЗС инфорира дека градоначалникот на Крушево вчера испратил барање и веднаш биле мобилизирани тимови за брз одговор од општините Битола и Прилеп како и вработени во подрачните одделенија, но поради краткиот ден и специфичноста на просторот кој е зафатен, големо подрачје со поголем број жаришта, ќе интервенираат денеска во утринските часови.
- Вработените во Дирекцијата за заштита и спасување на терен ја следат состојбата и во случај да е потребно ќе бидат ангажирани дополнителни сили како и авионите за гасење на пожари на Дирекцијата за заштита и спасување, се вели во соопштението од ДЗС.
Според ДЗС, на почеток била запалена сува трева, папрат и ниски смреки, но пожарот се проширил на букова шума. Вработените во ПШС „Липа“ од Крушево, единици на територијалната противпожарна единица и локалната самоуправа во Крушево како и локални граѓани, се излезени на терен и се справуваат со пожарот, но поради големиот простор на опожарување не се во состојба брзо да се справат со него.
Ново на Сител
-
ДЗС: Струјата во второто полугодие лани поскапела за 8,2 отсто
-
СДСМ: Нема ништо ново во понудата на ВМРО-ДПМНЕ
-
И Италија ќе го чува македонското небо
-
Објавен конкурсот за уписи во средно училиште
-
Битолчанка пронашла граната додека копала нива
-
До вторник сончево и топло до 29 степени
-
Нето надворешниот долг на крајот на 2023 година изнесувал 4.458 милиони евра
-
Тетовци се жалат дека не можат да излезат од дома поради глутниците